Qazaqstan Respýblıkasy Ulttyq ekonomıka mınıstrliginiń buıryǵy  №37

2014 jylǵy 1 qazan,  Astana qalasy Qazaqstan Respýblıkasy Ulttyq ekonomıka mınıstrliginiń Memlekettik materıaldyq rezervter komıteti týraly erejeni bekitý týraly «Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasy Zańynyń 29-babynyń 1-tarmaǵy 6) tarmaqshasyna jáne Qazaqstan Respýblıkasy Úkimetiniń «Qazaqstan Respýblıkasy ortalyq atqarýshy organdarynyń vedomstvolary týraly» 2014 jylǵy 14 tamyzdaǵy № 933, «Qazaqstan Respýblıkasy Ulttyq ekonomıka mınıstrliginiń máseleleri» týraly 2014 jylǵy 24 qyrkúıektegi № 1011 qaýlylaryna sáıkes buıyramyn: 1. Qosa berilip otyrǵan Qazaqstan Respýblıkasy Ulttyq ekonomıka mınıstrliginiń Memlekettik materıaldyq rezervter komıteti týraly ereje bekitilsin. 2. Qazaqstan Respýblıkasy Ulttyq ekonomıka mınıstrliginiń Memlekettik materıaldyq rezervter komıteti (A.Á. Sádý) zańnamada belgilengen tártippen: 1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi; 2) osy buıryq memlekettik tirkeýden ótken soń kúntizbelik on kún ishinde ony merzimdi baspasóz basylymdaryna jáne «Ádilet» aqparattyq-quqyqtyq júıesine resmı jarııalaýǵa jiberýdi; 3) osy buıryqty Qazaqstan Respýblıkasy Ulttyq ekonomıka mınıstrliginiń ınternet-resýrsynda jarııalaýdy qamtamasyz etsin. 3. Osy buıryq alǵashqy resmı jarııalanǵan kúninen bastap qoldanysqa engiziledi. Mınıstr E.DOSAEV. Qazaqstan Respýblıkasy Ulttyq ekonomıka mınıstriniń 2014 jylǵy 1 qazandaǵy № 37 buıryǵymen bekitilgen Qazaqstan Respýblıkasy Ulttyq ekonomıka mınıstrliginiń Memlekettik materıaldyq rezervter komıteti týraly ereje 1. Jalpy erejeler 1. Qazaqstan Respýblıkasy Ulttyq ekonomıka mınıstrliginiń Memlekettik materıaldyq rezervter komıteti (budan ári – Komıtet) Qazaqstan Respýblıkasy Ulttyq ekonomıka mınıstrliginiń (budan ári – Mınıstrlik) memlekettik materıaldyq rezerv salasyndaǵy fýnksııalardy júzege asyratyn vedomstvosy bolyp tabylady. 2. Komıtet óz qyzmetinde Qazaqstan Respýblıkasynyń Konstıtýsııasyn, Qazaqstan Respýblıkasynyń zańdaryn, Prezıdenti men Ykimetiniń aktilerin, Qazaqstan Respýblıkasy Ulttyq ekonomıka mınıstriniń (budan ári – Mınıstr) buıryqtary men nusqaýlaryn, ózge de normatıvtik quqyqtyq aktilerdi, sondaı-aq osy Erejeni basshylyqqa alady. 3. Komıtet – uıymdyq-quqyqtyq nysany memlekettik mekeme bolyp tabylatyn zańdy tulǵa, memlekettik tilde óz ataýy jazylǵan mórleri, mórtańbalary, belgilengen úlgidegi blankileri, sondaı-aq zańnamaǵa sáıkes Qazaqstan Respýblıkasy Qarjy mınıstrliginiń qazynashylyq organdarynda shottary bar. 4. Komıtet óz ókilettikteri sheginde azamattyq-quqyqtyq qatynastarǵa óz atynan túsedi. 5. Eger Komıtetke Qazaqstan Respýblıkasynyń zańnamasyna sáıkes ýákilettik berilgen bolsa, ol memleket atynan azamattyq-quqyqtyq qatynastar tarapy bolady. 6. Komıtet óz quzyretindegi máseleler boıynsha zańnamada belgilengen tártippen Qazaqstan Respýblıkasynyń aýmaǵynda mindetti kúshi bar buıryqtar shyǵarady. 7. Komıtettiń qurylymy men shtat sanyn Qazaqstan Respýblıkasynyń zańnamasynda belgilengen tártippen Mınıstrliktiń jaýapty hatshysy bekitedi. 8. Komıtet: 1) Jumyldyrý rezervin esepke alý jáne baqylaý basqarmasynan; 2) Memlekettik rezervti esepke alý jáne baqylaý basqarmasynan; 3) Býhgalterlik esep jáne qarjy basqarmasynan; 4) Personalmen jumys jáne ákimshilik jumys basqarmasynan; 5) Quqyqtyq qamtamasyz etý basqarmasynan; 6) Memlekettik satyp alý basqarmasynan; 7) Memlekettik qupııalardy qorǵaý bólimshesinen; 8) Jumyldyrý bólimshesinen turady. 9. Komıtettiń ornalasqan jeri: 010000, Astana qalasy, «Almaty» aýdany, Iаnýshkevıch kóshesi, № 2 úı. 10. Komıtettiń tolyq ataýy – «Qazaqstan Respýblıkasy Ulttyq ekonomıka mınıstrliginiń Memlekettik materıaldyq rezervter komıteti» respýblıkalyq memlekettik mekemesi. 11. Osy Ereje Komıtettiń quryltaı qujaty bolyp tabylady. 12. Komıtettiń qyzmetin qarjylandyrý respýblıkalyq bıýdjet qarajaty esebinen júzege asyrylady. 13. Komıtetke Komıtettiń fýnksııalary bolyp tabylatyn mindetterdi oryndaý turǵysynda kásipkerlik sýbektilerimen sharttyq qatynastarǵa túsýge bolmaıdy. Eger Komıtetke zańnamalyq aktilermen tabys ákeletin qyzmetti júzege asyrý quqyǵy berilgen bolsa, onda osyndaı qyzmetten túsken kiris respýblıkalyq bıýdjet kirisine jiberiledi. 2. Komıtettiń negizgi mindetteri, fýnksııalary, quqyqtary men mindetteri 14. Mindeti: memlekettik materıaldyq rezerv salasyndaǵy memlekettik saıasatty iske asyrý. Fýnksııalary: 1) Mınıstrliktiń qaramaǵyndaǵy qadaǵalanatyn salada (aıada) memlekettik saıasatty qalyptastyrý boıynsha usynystar engizý; 2) memlekettik materıaldyq rezerv júıesiniń materıaldyq qundylyqtaryn saqtaýdy jáne jańartýdy júzege asyrý; 3) memlekettik materıaldyq rezervtiń materıaldyq qundylyqtarynyń ornyn aýystyrýdy qamtamasyz etý; 4) memlekettik materıaldyq rezervtiń materıaldyq qundylyqtaryn ornalastyrýdy, olardyń sapalyq jáne sandyq jaǵynan saqtalýyn esepke alýdy qamtamasyz etý; 5) qaryzǵa berý tártibimen materıaldyq qundylyqtardy shyǵarý týraly alýshylarmen sharttar (kelisimshart) jasasý; 6) munaı ónimderin Qazaqstan Respýblıkasynyń Úkimeti aıqyndaıtyn munaı ónimderin berý jónindegi biryńǵaı operatordan satyp alý. 15. Mindeti: memlekettik materıaldyq rezervtiń materıaldyq qundylyqtarynyń sandyq jáne sapalyq jaǵynan saqtalýyn baqylaý. Fýnksııalar: 1) memlekettik materıaldyq rezervtiń materıaldyq qundylyqtarynyń sapalyq jáne sandyq jaǵynan saqtalýyna baqylaýdy qamtamasyz etý; 2) memlekettik materıaldyq rezervtiń materıaldyq qundylyqtaryn saqtaý pýnktterinde saqtaýda turǵan materıaldyq qundylyqtardyń saqtalýyna túgendeý júrgizý; 3) tıisti memlekettik organdardyń laýazymdy adamdary men mamandaryn túgendeý júrgizýge tartý; 4) memlekettik materıaldyq rezervtiń materıaldyq qundylyqtaryn saqtaý jáne paıdalaný tártibin buzýda kináli adamdardy jaýapkershilikke tartý týraly máseleni sheshý úshin quqyq qorǵaý organdaryna túgendeý materıaldaryn jiberý. 16. Mindeti: óz quzyreti sheginde memlekettik materıaldyq rezerv týraly Qazaqstan Respýblıkasy zańnamasynyń saqtalýyna baqylaýdy qamtamasyz etý. Fýnksııalar: 1) memlekettik materıaldyq rezervtiń materıaldyq qundylyqtaryn ornalastyrý, saqtaý, tolyqtyrý, ornyn aýystyrý, jańartý jáne nysanaly paıdalaný kezinde normatıvtik quqyqtyq aktiler talaptarynyń saqtalýyn qamtamasyz etý; 2) memlekettik materıaldyq rezervtiń materıaldyq qundylyqtarymen jasalatyn operasııalarǵa qatysýshylarmen jasalǵan sharttardan týyndaıtyn talaptar boıynsha boryshpen turaqsyzdyq aıyptaryn óndirip alýdy júzege asyrý; 3) vedomstvoǵa Qazaqstan Respýblıkasynyń zańnamasymen júktelgen ózge de fýnksııalar men baǵyttardy júzege asyrý. 17. Komıtet zańnamada belgilengen tártippen ózine júktelgen mindetterdi iske asyrý men óz fýnksııalaryn júzege asyrý úshin: 1) Komıtet, zańnamada belgilengen tártippen, memlekettik organdardan, uıymdardan, olardyń laýazymdyq tulǵalarynan quzyretine jatatyn máselelerdi sheshý úshin qajetti aqparatty, qujattar men materıaldardy suratady jáne alady; 2) óz qyzmetiniń barlyq máseleleri boıynsha usynystar engizedi; 3) Qazaqstan Respýblıkasynyń zańdarynda belgilengen jaǵdaılardy qospaǵanda, óz ókilettikterin júzege asyrý kezinde alynǵan kommersııalyq, qyzmettik, zańmen qorǵalatyn ózge de qupııany quraıtyn aqparatty jarııa etpeıdi; 4) «Jeke jáne zańdy tulǵalardyń ótinishterin qaraý tártibi týraly» Qazaqstan Respýblıkasynyń Zańynda belgilengen tártippen jáne merzimde jeke jáne zańdy tulǵalardyń ótinishterin qabyldaıdy jáne qaraıdy; 5) kommersııalyq jáne zańmen qorǵalatyn ózge de qupııany quraıtyn málimetterdi jarııa etýge qoıylatyn Qazaqstan Respýblıkasynyń zańnamalyq aktilerinde belgilengen talaptardy saqtaı otyryp, memlekettik organdardan, ózge de uıymdardyń laýazymdy tulǵalarynan jáne jeke tulǵalardan Mınıstrlikke júktelgen fýnksııalardy júzege asyrý úshin qajetti aqparatty suratady jáne alady; 6) qoldanystaǵy zańnamalyq aktilerde kózdelgen ózge de quqyqtardy júzege asyrady. 3. Komıtettiń qyzmetin uıymdastyrý 18. Komıtet Qazaqstan Respýblıkasynyń zańnamalyq aktilerine, Prezıdentiniń aktilerine, Qazaqstan Respýblıkasynyń ózge de normatıvtik quqyqtyq aktilerine sáıkes óziniń negizgi mindetteri men fýnksııalaryn iske asyrý úshin qajetti ókilettikterdi ıelenedi. 19. Komıtetti Qazaqstan Respýblıkasynyń zańnamasynda belgilengen tártippen laýazymǵa taǵaıyndalatyn jáne laýazymynan bosatylatyn tóraǵa basqarady. 20. Komıtet tóraǵasynyń Qazaqstan Respýblıkasynyń zańnamasyna sáıkes laýazymǵa taǵaıyndalatyn jáne laýazymynan bosatylatyn orynbasarlary bolady. 21. Tóraǵa Komıtettiń qyzmetine jalpy basshylyqty júzege asyrady jáne Komıtetke júktelgen mindetterdiń oryndalýy men onyń óz fýnksııalaryn júzege asyrýy úshin derbes jaýapty bolady. 22. Tóraǵa Mınıstrliktiń basshylyǵyna Komıtettiń qurylymy men shtat kestesi boıynsha usynystar beredi. 23. Osy maqsattarda Komıtet tóraǵasy: 1) óz orynbasarlarynyń jáne Komıtettiń qurylymdyq bólimsheleri basshylarynyń ókilettikteri men mindetterin aıqyndaıdy; 2) qurylymdyq bólimsheler týraly erejelerdi bekitedi; 3) óz quzyretiniń máseleleri boıynsha buıryqtar shyǵarady, sondaı-aq Komıtet qyzmetkerleri oryndaý úshin mindetti nusqaýlar beredi; 4) memlekettik organdarda, ózge de uıymdarda Komıtettiń múddesin bildiredi; 5) Komıtettiń tártiptik, attestasııalyq jáne konkýrstyq komıssııalary qyzmetine jalpy basshylyqty júzege asyrady, oryndaýshylyq jáne eńbek tártibiniń saqtalýyn, personaldy basqarý qyzmetiniń jumysyn jáne qujat aınalymynyń uıymdastyrylýyn baqylaıdy; 6) Komıtettiń qyzmetin qamtamasyz etý jáne oǵan júktelgen mindetterdi oryndaý maqsatynda memlekettik satyp alýdyń júrgizilýin uıymdastyrady; 7) eńbek qatynastarynyń máseleleri joǵary turǵan memlekettik organdar men laýazymdy adamdar quzyretine jatatyn qyzmetkerlerdi qospaǵanda, Komıtet qyzmetkerlerin laýazymǵa taǵaıyndaıdy jáne laýazymynan bosatady; 8) Mınıstrlikpen kelisim boıynsha vedomstvoǵa baǵynysty uıym basshysyn zańnamada belgilengen tártippen taǵaıyndaıdy; 9) Komıtet qyzmetkerlerin issaparǵa jiberý, eńbek demalystaryn berý, materıaldyq kómek kórsetý, kótermeleý, ústemaqy tóleý jáne syıaqy berý máselelerin sheshedi; 10) eńbek qatynastarynyń máseleleri joǵary turǵan memlekettik organdar men laýazymdy adamdar quzyretine jatatyn qyzmetkerlerdi qospaǵanda, Komıtet qyzmetkerleriniń tártiptik jaýapkershiligi máselelerin sheshedi; 11) Mınıstrlik basshylyǵyna bekitýge Komıtettiń jyl saıynǵy jumys josparyn jáne onyń qyzmetiniń nátıjeleri týraly jyl saıynǵy esepti ázirleıdi jáne usynady; 12) Komıtettiń bıýdjettik ótinimin daıyndaýdy, respýblıkalyq bıýdjet komıssııasynyń qaraýyna engizý úshin Mınıstrge usynylatyn bıýdjettik ótinimdi Mınıstrliktiń jaýapty hatshysyna usynýdy, sondaı-aq bıýdjettik prosestiń ózge de rásimderin oryndaýdy qamtamasyz etedi; 13) Komıtettiń qarjylandyrý josparyn ázirleýdi qamtamasyz etedi jáne Mınıstrliktiń jaýapty hatshysyna bekitýge engizedi; 14) sybaılas jemqorlyq quqyq buzýshylyqtaryn jasaýdyń árbir faktisi boıynsha, baǵynystaǵy qurylymdardaǵy sybaılas jemqorlyqqa qarsy is-qımyl boıynsha derbes jaýapty bolady; 15) Qazaqstan Respýblıkasynyń zańnamasymen júktelgen ózge de ókilettikterdi júzege asyrady. 24. Tóraǵanyń orynbasarlary: 1) óz ókilettikteri sheginde Komıtettiń qyzmetin úılestiredi; 2) tóraǵa bolmaǵan kezeńde Komıtetke jalpy basshylyqty júzege asyrady jáne Komıtetke júktelgen mindetterdi oryndaýǵa jáne óz fýnksııalaryn júzege asyrýǵa derbes jaýapty bolady; 3) Qazaqstan Respýblıkasynyń zańdaryna sáıkes ózge de fýnksııalardy júzege asyrady. 25. Komıtettiń quzyretine kiretin máseleler boıynsha Komıtettiń atynan Mınıstrliktiń basqa qurylymdyq bólimshelerine jiberiletin qujattarǵa tóraǵa jáne (nemese) tóraǵanyń orynbasarlary mindettemelerdiń bólinýine sáıkes qol qoıady. 4. Komıtettiń múlki 26. Komıtettiń jedel basqarý quqyǵyndaǵy oqshaýlanǵan múlki bar. Komıtettiń múlki oǵan memleket bergen múlik esebinen qalyptasady, sondaı-aq quny Komıtettiń balansynda kórinis tabatyn ózge de múlikterden turady. 27. Komıtetke bekitilgen múlik respýblıkalyq menshikke jatady. 28. Komıtet ózine bekitilgen múlikti, eger Qazaqstan Respýblıkasynyń zańdarynda ózgeshe belgilenbese, óz betinshe ıelikten shyǵarmaıdy nemese ózge de tásilmen oǵan bılik júrgizbeıdi. 5. Komıtetti qaıta uıymdastyrý jáne taratý 29. Komıtetti qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady. Komıtettiń qaramaǵyndaǵy uıymdardyń tizbesi «Qazaqstan Respýblıkasy Ulttyq ekonomıka mınıstrliginiń Memlekettik materıaldyq rezervter komıtetiniń sharýashylyq júrgizý quqyǵyndaǵy «Rezerv» respýblıkalyq memlekettik kásiporny. Buıryq Qazaqstan Respýblıkasynyń Ádilet mınıstrliginde 2014 jylǵy 7 qazanda Normatıvtik quqyqtyq kesimderdi memlekettik tirkeýdiń tizilimine №9781 bolyp engizildi.